ஃபீனீக்ஸ் பறவை

 

சாலையோரத்து

செறுப்புக் கடையது

 

அங்கு

பளபளக்கும் செறுப்புகள் இல்லை

நவநாகரீக காலணிகள் இல்லை

ஆள் உயர கண்ணாடி இல்லை

குஷன் வைத்த இருக்கையும் இல்லை

 

சற்று கூன் விழுந்த கிழவனவன்

அவன்

பொறுக்கி வைத்த ஆணிகள்  உண்டு

அறுந்த செறுப்புகளின் எச்சங்கள் பலவுண்டு

 

காதலியை தொலைத்த வாலிபன் போல

ஒற்றைச் செறுப்புகளும் உண்டு

வலதை இழந்த இடதும்

இடதை இழந்த வலதும்

குமிந்த ஒரு ஓரம்

அவைகளுக்கு என்ன வேலை

கிழவனுக்கே தெரியாது

 

புழுதி பறக்கும் சாலை

ஆலாய் பறக்கும் மக்கள்

யாருக்கும் கடையோ கிழவனோ

ஒரு பொருட்டேயில்லை

அறுபடும் வரை

 

அறுந்த செறுப்புகளுக்கு

அவனே உயிர் ஊற்றுவான்

லாவகமாய் தைத்து தருவான்

இவன் ஆணி அடிப்பது

உயிர் தருவதற்கு மட்டுமே

 

இவனுக்கென்று

நிரந்திர இடமில்லை

அவனுக்கு

தேவையும் இருந்ததில்லை

எல்லா இடங்களில்

செறுப்புகள் அறுபடுகின்றன

ஒரே மாதிரியாக

 

அவ்வப்போது

சட்டம் தன் கடமையை செய்யும்

இவன் கடை

துகிலுரியப்படும்

கிருஷ்ண பரமாத்மாக்கள்

இவனுக்கு

காட்சி அளித்ததேயில்லை

 

நொறுக்கப்பட்ட கடையிலிருந்து

எது மீள்கிறதோ

அதையெடுத்து நகர்கிறான் கிழவன்

அவனுக்குத் தெரியும்

ஆணிகளும்

ஊசிகளும்

அறுபட்ட செறுப்புகளும்

மீண்டும் சேருமென்று

 

நகர நெருப்பிலே தீய்ந்து

மீண்டும்

மீண்டும்

எழும்

ஃபீனீக்ஸ் பறவை அவன்

About hariharanbond
I am who I am !

One Response to ஃபீனீக்ஸ் பறவை

  1. Venkkiram says:

    விளிம்பு நிலை மானுடர்களின் மீதான உங்களது கூர்ந்த கவனிப்பை வியக்கிறேன். தொடர்ந்து பதிவிடவும்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: