மேகங்களோடு பேசுகிறேன்

விமானத்தில்

ஜன்னலோர இருக்கை

வெளியே திட்டுத் திட்டாய்

வெண் மேகக் கூட்டம்

 

வெள்ளை நுறையைக் கொட்டி

உலர்த்துவதைப் போல் ;

பனிக்கட்டியை பலூனில் கட்டி

பறக்கவிட்டதைப் போல் ;

பறவைகள் இளைப்பாற கட்டிய

சுமைத்தாங்கி கற்களைப் போல்

 

மேகங்களை எந்தச் சிற்பியாலும்

செய்யமுடியாது போலும்.

 

வட்டங்களிலும்

சதுரங்களிலும்

முக்கோணங்களிலும்

மேகங்களுக்கு நம்பிக்கையில்லை

அவை தன்னிச்சையானவை

 

கூர்ந்து கவனிக்கிறேன்

அது தன்னிச்சையுமல்ல

குழந்தைகளின் வண்ண ஏட்டில்

வரைந்ததைப் போல

இருக்கின்றன மேகங்கள்

நம்மை விட குழந்தைகளை

அறிந்துவைத்திருக்கிறது மேகம்

 

தேவதையொருத்தி மேகக்கூட்டத்திலிருந்து

எட்டிப் பார்ப்பாளோ

ஏக்கமாகப் பார்க்கிறேன்

கடக்கும் விமானங்களை

தேவதைகள் கண்டுகொள்வதில்லை

 

வெள்ளைக் காடாய்

ஒரு மேகம்

அருகேயே

நெற்றிப் பொட்டாய்

இன்னொரு மேகம்

அவைகள் பேசிக்கொள்ளுமா ?

 

நீ பெரியவனா நான் பெரியவனா ?

யார் இதில் அதிக வெண்மை ?

மேகங்களுக்குள்ளேயும்

போட்டிகள் வருமா ?

 

திடீரென பிரிந்தும்

திடீரென சேர்ந்தும்

மேகங்கள் வாழ்கின்றன

அதனாலேயே

இப்புகை அலங்காரங்கத்தில்

பகை அகங்காரங்கள்

வளர்வதில்லை

 

மேகங்களின் ஊடேயே

செல்கிறது விமானம்

கொந்தளிப்பென்று அறிவித்து

இருக்கை கச்சையை

இறுகக் கட்டிக்கொள்ளச் சொல்லப்படுகிறோம்

இருகரம் நீட்டி வரவேற்கும்

மேகத் தாலாட்டையும்

மேக சம்பாஷணைகளையும்

மனிதர்கள் என்றுமே

புரிந்துகொள்வதில்லை

 

மாறாக

வாயு மண்டலத்தை

விஷ மண்டலாமாக மாற்றி

முன்னேற துடிக்கிறது

விந்தையான உலகம்

 

தரையிறங்கும் நேரம் வந்துவிட்டது

காதலோடு மேகங்களை பார்க்கிறேன்

பிரிவுத் துயரம் எனக்கு மட்டும்தான் போலும்

சந்தோஷமாக இருப்பதை மட்டுமே

மேகங்கள் அறிந்திருக்கின்றன !

About hariharanbond
I am who I am !

One Response to மேகங்களோடு பேசுகிறேன்

  1. Venkki Ram says:

    மேகங்களைப் பற்றிய நல்லதொரு சிந்தனைகளின் குவியல். அழகியல் கவிதை.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: